मेची नदी किनारमा ........

एकछिनपछि जून — खोलाको पल्लो किनारबाट

पौडदै पौडदै — आईपुग्नेछ मसम्म ।
र साउती मारेर जानेछ
मैले नबुझ्ने कत्ति धेरै कुरा — हिजोअस्तिजस्तै ।

सुनको औंठी

मैले सुन भेट्टाए । सुनको औठी ।

औंठी खासमा मैले भन्दा अगाडी डुकेन्द्रले भेट्टाएको थियो । म एयरपोर्ट काउन्टरमा बसेर प्यासेन्जर कुपन चेक गर्दैथिए । फ्लाईट उडिसकेपछि पनि हामी फ्लाईट कुपन अर्थात प्यासेन्जरहरु उडेको टिकटको कुपनलाई एकचोटी पुन रुजु गर्ने गर्छौ । फ्लाईट उडिसकेको थियो र म त्यही टिकट रुजु गर्दैथिए, चेकिङ काउन्टर छेवैमा झरेको सुन टिपेर डुकेन्द्रले देखायो । मैले हत्त पत्त त्यो सुन समाते ।