"उपहार"

उनले भनिन्ः 
अब ती फोटोहरुको कुनै काम छैन ।
फर्काईदिनु ।

नया बर्षको दिन
मैले गिफ्ट दिएको 'वालेट' र 'रेबोन' को गगल्स
त्यो पनि फकाईदिनु ।

अधेरो जून

आजको रात
मेरो जून अधेरो उदाउनेछ ।
सम्भवतः
त्यसबेला तिमी
जूनभन्दा नि’ उजेली हुनेछयौ !

बाईक

बि.सं २०६४ साल । भर्खरै कक्षा १२को रिजल्ट आएको थियो । साईन्स फ्याकल्टी । फस्ट डिभिजन । घरबाट चै मैले बालाई ढाँटेर, “म ईन्जिनियरिंग ईन्ट्रान्स प्रिपेरेशन क्लासबारे बुझ्न जान्छु” भनेर निस्किन खोज्दैथिए, बुबा’ले “उसोभए अलिकति पैसा त्यहाँ ‘एलिको’मा बुझाउनु छ, त्यो पनि बुझाएर आईदे है” भनेर अर्को काम थपिदिईहाल्नुभयो । ‘एलिको’ जाने निहुँमा समय कटाउने अर्को राम्रो बहाना हुन्थ्यो । मैले “हुन्छ” भनिदिए ।